HOOR-HIER!

KOM ONS SKRYF ÍN AFRIKAANS ÓÓR AFRIKAANS

Augustus 1998: 11

Redaktrise: Susan Alexander

 

Telefoon tuis: 235757 in Windhoek
Faks: 212169 Windhoek
E-pos:  
susanalexander@mweb.com.na
Posbus 9677 WINDHOEK

 


 

DAGSÊ VRIENDE

Fred Fisagie skryf: Ek stuur vir jou 地 ou pennevruggie. Miskien kan jy dit in Hoor-Hier! gebruik. Die blaadjie loop mooi en ek stuur dit gereeld vir my dogter in "Transvaal".

(Dankie vir die briefie en die pennevruggie. Ek plaas dit graag. As jy vir my jou dogter in "Transvaal" se posbus gee, plaas ek haar op my verspreidingslys! Red.)

 

Sterretjie...

Silwer liggie skyn daarbo vir my
om rus hier in ons te kry,
in jou glans sien jy my pyn en seer
skitter tog vir my weer en weer.

Jy is soveel nader aan die Heer,
vra Hom om genade
vir almal hier op aarde

 

Manda Lang skryf 地 lekker briefie vir my daar uit Omaruru:

 

Vandat ek 18 jaar gelede in die destydse Suidwes-Afrika aangekom het, pla die sogenaamde "hin" teenoor "地" my vreeslik. Ons Transvalers (Vaalpense is mos altyd gespot oor ons "a" wat ons glo "ô" uitspreek)... maar die ding van "hin kat sit in hin boom" in plaas van "創 kat sit in 地 boom" pla my al lank. Totdat my dogter in Graad 1 instap en haar (voorheen-van-die-Kaap) onderwyseres hulle ook begin leer van "hin"... Toe sit ek my voet neer. So is my dogtertjie (nou al in Graad 3) die enigste leerling wat "地" lees in plaas van "hin"! Sy is ook baie trots daarop! Verder praat al ons leerlinge van EKKE gaan loop slaap. Waar kom hierdie ekstra 北e en "loop" vandaan? Ek wonder maar net!

 

(Ekke loop en wonder mos nou self! Kan iemand help?! Red.)

Ek ontvang die volgende heerlik inspirerende brief van Pieter Pieterse daar uit Stompneusbaai. Hy skryf:

 

Dagsê Susan

Kom ek vanoggend, vergesel van moeghond Kwando per fiets by onse poskantoor aan. In die posbus slegs 地 gehawende kaartjie in ons eie taal met POSSTUK TE GROOT VIR U POSBUS daarop gedruk. En onderaan (in potlood om te kan uitvee vir hergebruik): EEN GROOT BRUIN KOEVERT.

Kwandohond hou daarvan as daar pos is want hy kry 地 ruskans terwyl ek alles deurkyk. Maar die EEN GROOT BRUIN KOEVERT verteenwoordig toe jou brief daar uit die verre Windhoek. Wat meebring dat die rottweiler tongoppiegrond moet oop-en-toe-maak terug Spookhuis toe agter die bergfiets aan... sonder 地 blaaskans. Gelukkig word die res van die voormiddag toe vir hom 地 tyd van rus, so by my voete terwyl ek die inhoud van EEN GROOT BRUIN KOEVERT welgeluksalig in my kampstoel onder die voortent inneem.

En hiermee dan dankie: vir al die Hoor-Hier!s Dit is voorwaar 地 lofwaardige onderneming! Dit het so verskriklik tyd geword vir ons mense om nie in alles onherstelbare murasies te sien nie, so asof ons 地 nasie van restoureerders geword het. Ons was tog van altyd af 地 nasie van bouers. Doen so voort.

Gepraat van 地 woonwa se "voortent". As daar nog steeds nie 地 bruikbare term uitgedink is vir "side tent" nie, kan ons hom gerus nou maar registreer. En wat dan van "lepelkop" vir 地 "skin head"...

 

(Pieter ek gee nie om of jy in die "side tent" of in die "voortent" sit nie... dit sal my dag maak as jy nog sulke lekker briefies skryf! Ek plaas in die volgende uitgawe jou "mooie storietjie" Red.)

IN DIE KAMER LANGSAAN... deur Anna-Marie Steenkamp

Klik hier om Anna-Marie Steenkamp se bydrae te lees: In die Kamer langsaan...

 

KRIT

Op Dinsdag, 4 Augustus gesels ons oor Pieter Cilliers se outobiografiese werk: 地 Kas is vir klere. Lizanne Kruger van Omaruru werk al geruime tyd aan 地 studie oor die homoseksuele persoon in Namibië. Sy sal die gesprek oor hierdie boek inlei.

In die twee Kritbesprekings wat daar nog vir 1998 oor is, bespreek ons:

Op 22 September In drie riviere deur Jaco Botha en
op 27 Oktober Landskap met vroue en slang deur Lettie Viljoen.

Hierdie besprekings vind telkens op 地 Dinsdagaand, om 19:30 by die kantore van Windhoek Consulting Engineers in Bismarckstraat plaas. Navrae kan aan Susan Alexander gerig word.

WORD RUSTIG VIR EEN MINUUT

Ek lees onlangs in Solly Ozrovech se boek, Van dag tot dag deur God gedra, die volgende gebed van 地 bejaarde:

"Goeie Meester, leer my die kosbare les dat dit van tyd tot tyd moontlik is dat ek verkeerd kan wees. Hou my redelik aangenaam. Ek wil nie 地 heilige wees nie, sommige van hulle is so moeilik om mee saam te leef maar: 地 suur oumens is een van die bekroonde werke van die Satan. Maak my bedagsaam, maar nie buierig nie; hulpvaardig, maar nie baasspelerig nie. Met my onbeperkte voorraad van wysyheid lyk dit na 地 ramp om dit nie te gebruik nie, maar U weet, o Here, dat ek aan die einde 地 paar goeie vriende wil behou."

LAAT ONS VAN JOU HOOR!

Ek sal graag wil weet wat julle dink van die "nuwe" voorkoms van ons blaadjie! Met die eerste verjaarsdag van Hoor-Hier! om die draai, het ek gedink ons kan gerus 地 bietjie werk aan die uiterlike!

Groete tot volgende keer.

 


In die Kamer langsaan...
deur Anna-Marie Steenkamp

Volgende Uitgawe
Vorige Uitgawe
Tuisblad
Gasteboek

 

Die Knoop: Honderde Afrikaanse Bestemmings! Afrikaans oppie Net Afriklub